అక్క కోసం హైదరాబాద్కు వెళ్లి.. రాఖీ కట్టించుకున్న తమ్ముడు!
ప్ర
ప్రజాధ్వని డెస్క్
ఏరియా వివరాలు లేవు28 ఆగస్టు, 202610:09 AM

జనగామ: రాఖీ పౌర్ణమి సందర్భంగా అన్నాచెల్లెళ్లు, అక్కాతమ్ముళ్ల అనుబంధాన్ని చాటే అరుదైన సంఘటన చోటుచేసుకుంది. అక్కపై ఉన్న ప్రేమతో ఓ తమ్ముడు ఏకంగా హైదరాబాద్కు వెళ్లి రాఖీ కట్టించుకున్నాడు. కొలిపాక ఈశ్వర్ ప్రసాద్ అక్క వర్షిణి ప్రస్తుతం హైదరాబాద్లో నీట్ కోచింగ్ తీసుకుంటోంది. రాఖీ పండుగ సందర్భంగా ఇంటికి రావాలని భావించినప్పటికీ.. కోచింగ్ సంస్థ యాజమాన్యం సెలవు ఇవ్వకపోవడంతో ఆమె హైదరాబాద్లోనే ఉండాల్సి వచ్చింది. అయితే అక్క చేత రాఖీ కట్టించుకోవాలన్న తన కోరికను ఈశ్వర్ ప్రసాద్ వదులుకోలేదు. రాఖీ పౌర్ణమి రోజున హైదరాబాద్కు వెళ్లి అక్క వర్షిణిని కలిసి ఆమె చేత రాఖీ కట్టించుకున్నాడు. అక్కాతమ్ముళ్ల మధ్య ఉన్న ఆప్యాయతకు ఈ ఘటన నిదర్శనంగా నిలిచింది. “రాఖీ కట్టించుకోవడానికి అక్క ఇంటికి రాలేకపోయినా.. అక్క దగ్గరకే వెళ్లి రాఖీ కట్టించుకున్నా” అంటూ ఈశ్వర్ ప్రసాద్ ఆనందం వ్యక్తం చేశాడు. రాఖీ పండుగ అసలైన స్ఫూర్తి.. దూరాలను కూడా చెరిపేసే అన్నాచెల్లెళ్ల ప్రేమేనని ఈ ఘటన మరోసారి చాటిచెప్పింది.
