గణపతి నిమజ్జనం వేళ అప్రమత్తంగా ఉండాలి
- వర్ధన్నపేట ఏసీపీ అంబటి నర్సయ్య
ప్ర
ప్రజాధ్వని డెస్క్
ఏరియా వివరాలు లేవు22 సెప్టెంబర్, 202602:18 AM

రాయపర్తి, సెప్టెంబరు 21 ప్రజాధ్వని: గణపతి నిమజ్జనాల సందర్భంగా ఉత్సవ కమిటీలు, ప్రజాప్రతినిధులు, ప్రభుత్వ అధికారులు సమన్వయంతో అప్రమత్తంగా వ్యవహరించాలని వర్ధన్నపేట ఏసీపీ అంబటి నర్సయ్య సూచించారు. సోమవారం రాయపర్తి మండలంలోని నిమజ్జన ప్రాంతాలను పోలీసు, రెవెన్యూ, పంచాయతీ అధికారులతో కలిసి ఆయన పరిశీలించారు. మండలంలోని వివిధ గ్రామాల్లో వినాయక నిమజ్జనాలు నిర్వహించే చెరువులు, కుంటల వద్ద గ్రామపంచాయతీల ఆధ్వర్యంలో పటిష్ఠమైన ఏర్పాట్లు చేయాలని సూచించారు. గణేష్ ఉత్సవ కమిటీలు శోభాయాత్రలను ప్రశాంత వాతావరణంలో నిర్వహించి, వీలైనంత వరకు చీకటి పడకముందే నిమజ్జన కార్యక్రమాలను పూర్తి చేసుకోవాలని తెలిపారు.
