కొండూరులో ఘనంగా దేవి శరన్నవరాత్రి ఉత్సవాలు

రాయపర్తి, అక్టోబర్ 15 (ప్రజాధ్వని): వరంగల్ జిల్లా రాయపర్తి మండలం కొండూరు గ్రామంలో దేవి శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. భవానీ దీక్ష చేపట్టిన భక్తులు అంబేద్కర్ విగ్రహం సమీపంలో అమ్మవారిని ప్రతిష్ఠించి, ప్రతిరోజూ ఒక్కో అవతారంలో అలంకరిస్తూ ప్రత్యేక పూజలు నిర్వహిస్తున్నారు. ఈ క్రమంలో గురువారం ఐదో రోజు అమ్మవారిని శ్రీ లలితా త్రిపుర సుందరి దేవి అవతారంలో సర్వాంగ సుందరంగా అలంకరించి భక్తులకు దర్శనమిచ్చారు. ఈ సందర్భంగా గ్రామస్తులు అధిక సంఖ్యలో పాల్గొని అమ్మవారిని దర్శించుకుని ప్రత్యేక పూజలు నిర్వహించారు. అమ్మవారి ఆశీస్సులు పొందుతూ భక్తులు ఆధ్యాత్మిక ఆనందంలో మునిగిపోయారు.